O sistema 
wildfire® xorde como consecuencia da aplicación da enxeñaría electrónica avanzada do departamento de I+D+i, potenciada dentro das operacións do grupo, á xeración de produtos. O deseño do wildfire® nace para a súa aplicación no ámbito forestal, debido aos enormes custos asociados aos incendios, custos financeiros (derivados da aplicación de recursos humanos e materiais), custos ambientais (derivados da degradación dos nosos recursos naturais) e custos humanos (representados pola irreparable perda de vidas humanas).
O sistema wildfire® ten como principal obxectivo a detección de incendios forestais utilizando a tecnoloxía dunha forma novidosa para incrementar a rapidez na detección de incendios, xa que é cando mais sinxelo é apagar calquera incendio e onde se maximiza a asignación de recursos.
Diferentes vistas do deseño final do wildfire®
O sistema envía un feixe de luz por enriba da liña delimitada polo horizonte, de maneira que se impacta contra unha columna de fume ou similar (emisión de contaminantes, fugas radioactivas...) prodúcese luz dispersada, que é recibida polo receptor do sistema e amplificada, o que permite ao seu software, despois de realizar unha minuciosa discriminación para actuar de filtro de falsos incidentes, enviar un sinal de alarma ao correspondente centro de control xunto con fotos e/ou video da zona da que provén a dispersión, para que un responsable (operario) determine se existe un lume ou se se produciu unha falsa alarma.
Unha representación gráfica do funcionamento do wildfire® pódese observar a continuación.
